“Pasinaon Budaya Jawi Kangge Mujudaken Budi Pekerti Ingkang
Luhur”.
Assalamu’alaikum Wr. Wb.
Innalhamdalillah,
wasyukurillah walahaula walaquwwata illa billah, asyhaduanla illa haillallah
waasyhaduanna muhammadan abdu warosuluhu la nabbiya ba’dah. Allahumma sholli
‘alamuhammad wa’ ala alihi washobihi ajma’in, amma ba’du.
Dumateng ngarsanipun dewan juri ingkang kula hormati
Alhamdulillahirobbil
‘alamin, puja puji syukur monggo sareng sareng konjukaken dumateng ngarso dalem
Gusti Allah Swt ingkang ing ari kalenggahan enjang punika tansah paring
mapinten pinten kanikmatan dumateng kula lan panjenengan sedaya, sahingga kula
lan panjenengan sedaya saget nyawiji wonten ing Kelas XII IPA 3 wonten ing acara
lomba sesorah basa jawi. Mugi kabagaswarasan, kasantosan, tansah kajiwa lan
kasarira dumateng kula lan panjenengan sedaya.
Sholawat
sarto salam mugi tansah katetepaken dumateng panutan kito, kanjeng Nabi Agung
Muhammad SAW, sumrambahipun dumateng kaluargo, shahabat, lan pendereipun, mugi
lumeberno dumateng kulo lan panjenengan sedoyo. Mugi wonten ing yaumul qiyamah
pikantuk safa’atipun. Allahumma Amin.
Keparenga
kula ing mriki badhe ngaturaken sesorah basa jawi kanthi irah-irahan “Pasinaon
Budaya Jawi Kangge Mujudaken Budi Pekerti Ingkang Luhur”.
Para rawuh sedaya ingkang kinurmatan. .
Sampun kita mangertosi sedaya bilih
ing zaman menika sampun sami kathah ingkang kicalan kabudayan ingkang adi
luhung. Saha kirang dipun mangertosi dening sederek kita langkung-langkung para
muda. Ingkang sahingga perlu wontenipun ewah-ewahan babagan paugeran utawi
pranatan (kurikulum) pasinaon ing pamulangan luhur (sekolahan). Ingkang supados
ngemot ucalan budi pekerti kagem para siswa.
Kanthi
wontenipun wucalan budi pekerti saha kabudayan jawi saget pinangka kagem dasar
ndidik para siswa saget mangertosi pranatan saha kabudayan kanthi pangajab
saget nbemtuk kapribaden ingkang luhur. Linangkung ing zaman sak menika
winastanan zaman globalisasi. Ingkang sinten kemawon saget pados seserepan
kanthi gampil saha sekeca linantaran teknologi ingkang langkung canggih, ing
antawisipun internet, televisi, saha jejaring sosial kados dene facebook lan
twitter.
Langkung-langkung pangartosan manca
negari ingkang kading kala mboten jumbuh kalian pranatan basa jawi saha
kabudayaan jawi ingkang kepara saget ngrisak kaliyan pranatan saha wucalan basa
jawi. Punapa malih kajumbuhaken kaliyan wucalan-wucalan agami ingkang sampun
sami nalisir saking ingkang dipun tuladhakaken dening kanjeng Nabi Muhammad
SAW.
Kanthi wontenipun pendidikan budi
pekerti saha wucalan agami kanthi pangajab saget ndandosi para generasi muda.
Saget unggul ing babagan IMTAQ saha IPTEK.
Para rawuh sedaya ingkang kinurmatan. .
Mekaten
sesorah ingkang saget kula aturaken, mugi-mugi ndadosaken tambahing seserepan
dumateng kula lan panjenengan sedaya. Matur Nuwun.
Minggu-minggu menyang Cianjur
Numpak sepur karo Mbah Asemo
Cekap semanten anggen kula matur
Wonten lepat nyuwun agungingsih pangaksomo
Wassalamu’alaikum Wr. Wb.
0 komentar:
Posting Komentar